Магасе чакхбаьлар Хӏӏ-ча «Дошо Гӏала» яхача МКФ кхела болх
«Дошо Гӏала» яхача Халкъашта юкъерча Xӏӏ-ча кинофестивала кхело кхетачен чаккхе еш, болх дӏабихьар Магасе. Цига дийцар 69 мехкара доакъашхо дакъа лоацаш хиларах, цу гӏулакха дика кийчо е езарах. Уж ба хьалххе а дӏахьош хиннача балхах чакхбаьннараш.
«Ловзарий фильмай яхьа кхеле вар Беларусь Республикан цӏихеза искусствон болхло, Беларусь Къаман кинопреме лауреат Васильев Виктор. Документальни яхьа кхела кулгалхолла хержар режиссёр, Россе искусствай цӏихеза болхло Ахадов Валерий. Фестивала совгӏаташ лургда ийс даькъах: «Дикагӏа дола ловзара фильм», «Дикагӏа дола документальни фильм», «Дикагӏа дола лоаца фильм», «Дикагӏа дола Даькъастен фильм», «Дикагӏа дола гӏалгӏай фильм», «Дикагӏа дола кхалсага дакъа лацар», «Дикагӏа дола маӏача сага дакъа лацар», «Дикагӏа болча режиссёрски балха Мамилганаькъан Сулумбика цӏерагӏа совгӏат», иштта «Гран-при», - аьлар «Сердало» газетага, театра, кинон, вай заман хьалий Центра зарбан болх лелабераша.
Цига лургда лаьрххӏа дола дипломаш, дагалоаттама совгӏаташ, Гӏалгӏайчен Кулгалхочун, Наьсарен-Шахьара администраце лаьрххӏа дола совгӏаташ. Доакъашхошта иштта совгӏат кийчдаьд TV BRӏCS – цу даькъ тӏа дикагӏа дола фильм цун телевизионни эфире хургда.
