Магасерча технопарке проектни ишкол чакхъяьккхар
06.04.2026 10:56
«Кванториум» яхача республикерча берий технопарке, бӏаьстанара проектни ишкол чакхъяьккхар. Из хоам «Сердалога» бир цу моттига администратор йолча Налганаькъан Мадинас.
«Тушоли бетта 30-ча денгара бекарга бетта 4-ча денга кхаччалца; Магасера, иштта кхыйолча моттигашкара дешархой проектни оагӏонца дувзаденнараш шаьрдеш хилар, квантумашца бекъабенна проект хьакхеллар цар. Вӏаший новкъостал деш, шоаш дӏадоладаьр дӏачакхдаьккхар», - йоах тхога бенача хоамо.
«Проектни ишкол боккъал башха хилар ала йиш йолаш дар. Бокъонца бола инженераш, тохкамхой санна хьайзача бераша, тоабанца болх дӏахьош, дукха хӏама ӏомадир. Дӏахойодача хана а иштта хьинаре къахьега ловш, доккхий толамаш доахаш; дӏачакхбала аьттув хилба цар!» - дийцар берий технопарке.
