МагӀалбике тоабергба биъ урам
Карарча шера МагӀалбике биъ урам тоабергба юкъарча моттигашка. Из духхьал аргӀанара доазув тоадеш хилар дац, бахархоша шоаш хержа доазош да уж. Цу тайпа балхаш тахан кхоачашде таро хул; «Вахар, шахьара хьал» яха проект хилар бахьан долаш. Кердадаьхача доазонаша; МагӀалбик тоаярал совгӀа; бахархой хӀара деннара вахар а сийрдагӀа, дикагӀа дергда.
«Тоадара балхаш кхоачаргда Орцханаькъан, Братски, Коммунистически, Аьдагӏий урамашка. Укхаза сердал хьае лаьрхӀад, керда бӀоагӀий а ӀодогӀаргда. Иштта тоабергба никъ, наькъашка оасаш дохийтаргда. Цул совгӀа, керда гӏашлой наькъаш хургда, долаш дараш а тоадергда. Цу дерригача балхашта йола дизайн-проекташ кийча я», - аьлар «Сердало» газетага МагӀалбик шахьара администраце.
Дӏадахача шера кхадж тоссаш, МагӀалбика бахархой дика дакъа лоацаш хилар, доазонаш хьахоржача. Цо хьагойт, царна шоай шахьар хоза хилча лоархӀаме долга. ДукхагӀа кхадж тесса доазонаш хургда тоадераш.
