МагӀалбикера Крупскаяй урам тоабеш латт
27.05.2025 15:36
Шахьара хьалаш тоадара чудоагӀаш, МагӀалбике Крупскаяй урам тоабара балхаш дӀадоладаьд, яхаш, хоам бу «Сердало» газетага шахьара мэре.
Дукха ха йоацаш, бӀеха хиш хьаӀовш йолча моттигашка керда коллектор оттаеш балхаш дир. Цудухьа из никъ тӀера тоабе безаш бар.
Белгалду, аргӀанара дӀабахьа беза болх ба никъ нийсбар, хӀанз болхлой цига къахьегаш ба.
«ДӀахо, никъ нийса хургболаш, моттиг кийч а яь, цу тӀа асфальт Ӏобулларгба. Из деррига а асфальт бохаргбоацаш, беза мухь тӀабаьлча эттӀаргбоацаш деш да. Асфальт биллара болх йистебаккха лаьрхӀад карара шу чакхдоалаш. Керда Ӏобиллача новкъа дӀа-юха лелача наха а машинашта а кхерам кӀезига хургба,» - аьлар доал деча даькъ тӀа.
