Магӏалбикерча администраце керда кулгалхо хержар
Магӏалбик-Шахьара кхела депутаташа дӏайихьача аргӏанара йоацача кхетаче, массане хьаллоацаш, Магӏалбикерча администрацена кулгал де Боканаькъан Мухьмад хержар.
«Къаьстта лоархӏаме долча гӏулакхех дийцар кердача кулгалхочо. Царех да шахьара хьал тоадергдараш, къаман проекташ йоаржаяр, иштта федеральни, моттигерча программашта юкъе дакъа лацар. Иштта терко йир, хьакимаша массахана бахархошца бувзам лоаттабе безаш хилара», - дийцар «Сердалога» Магӏалбикерча администраце зарбан болх лелабераша.
Шахьара кхела кхетаче дакъа лоацаш вар Мехкадаь, Паччахьалкхен Администраце чухьарча политиках болча оагӏон кулгалхо Коазой Мухьмад. Кердача балха тӏа Боканаькъан Мухьмад даькъалавийца, аьттонца, толамца; бахархой хьал теркалдеш; ший гӏулакх дӏахьош хилва, аьнна, белгалдир цо.
