МагӀалбике дийцар бӀаьстан хана эскаре амал де тӀахьехарах
МагӀалбика-Шахьара администраце кулгалхочо Галай Мусас балха кхтаче дӀайихьар, из хетаяь яр хьатӀайоагӀача бӀаьстан замах, эскаре амал де тӏахьехарца долча дешашта. Кхетаче дӀахьош дакъа лоацаш хилар шахьара тӀема комиссариата викалаш, иштта бокъонаш лораеча моттигий кулгалхой. Цар дийцар из болх дӀабахьара керттерча лостамах.
«Теркама юкъе дар ӏаьдала доакъоша шоайла бувзам лелабар, кагирхошта закон леладе дезилга хьалдоаккхаш, царца болх дӀабахьа безаш хилар. Галай Мусас белгалдир, духхьал дика вӀашагӀбеллача балхо мара боаггӀача боарам тӀа эскаре амал де тӀахьехара гӏулакх дӀадахьа таро лургьяц», - аьлар «Сердало» газетага МагӀалбика шахьара администраце.
Кхетаче дӀахьош тӀема комиссариата викалаша дийцар из болх дӀаболалуш хиларах; цу юкъе каьхаташ кийчдар а, лорий комисси вӀашагӀйоллар а долаш. Кхетаче чакхйоалаш, цхьана дӀабахьа беза болх белгалбир, хьалхашка оттадаь декхараш кхоачашдарах бехктокхаме бараш хержар. Дакъа лоацаш хиннараша чӀоагӀдир, шоайла даим бувзам болаш хила безилга, эскаре тӀахьехаш йола кампанеш мишта дӀахьу ховргдолаш.
