96 шу даьнна Леймой Ровзат даькъалайийцар Магӏалбике
Магӏалбикерча администрацена кулгал деча Боканаькъан Мухьмада 96 шу доалаш йола Леймой Ювсапа Ровзат даькъалайийцар тахан. Вахаре дукха халонаш текхача, дукха лайнача Ровзата Россе Президента Путин Владимира дайта каьхат дӏаделар из йолча бахача ӏаьдала болхлоша.
«Леймой Ровзат тӏема шерашка моастагӏа вохавеш лаьттарашта гӏо деш, цар оагӏув хьаллацара тӏехьа къахьегаш, хинна саг я. Коталон ди гаргадоаладара тӏехьа дикка дакъа лаьца саг я. Ший мохк безаш, къахьегара тӏера йолаш, хьинарах йизза хиннай Ровзат. Укх тӏехьарча шерашка дегӏа могашал эшаеннай цун, бакъда гонахьара нах боаггӏача боараме терко еш, дика хьожаш ба цунга», - йоах «Сердалога» шахьара мэре болхлошкара бенача хоамо.
Шахьара дас тайп-тайпарча даарех дизза дола тускар дихьа; могаш, маьрша, иразе яха даькъалайийцар из.
