Магӏалбике дӏаболабеннаб шахьара доазонаш тоаде
Магӏалбике болабелар шахьара керттера доазонаш тоаде. «Шахьара дика хьалаш хьакхоллар» яхача федеральни программа цхьа дакъа долаш йолча «Вахара хьалаш» яхача кердача къаман программа чудоагӏаш, говзанчаша Орцханаькъан Х. цӏерах, Братски оала урамаш тоадир.
«Болхлоша наькъаш тоадеш латт, уж жагӏа-гӏум хьаьрца нийсдергда. Цу тайпара, цу урамашка бахача наха кердабаьккха никъ хургба, иштта сийрдайоахаргья уж моттигаш. Дӏахо цу тайпара балхаш дӏахьоргда Аьдагӏой, Коммунистически урамашка. Иштта, аьтинга бетта 12-ча дийнахьа лерхӏама кхадж тассара болх дӏахьоргба.
Бахархой таро хургья дизайн-проект харжа, тоаде лаьрхӏача доазонна. Цига дакъа лаца йиш я «Госуслуги» яхача даькъ тӏа гӏолла: загородсреда.gosuslugӏ.ru.
Из кхадж тассара болх дӏахьош ба «Вахара хьалаш» яхача къаман проектага гӏолла, из Россе Президента хьаллоацаш я», - аьлар «Сердало» газетага Магӏалбик-Шахьара администраце.
Магӏалбик-шахьара хьал кхерамзле йолаш, хоза да. Дика йовзаш йола шахьара моттигаш хӏанз юкъара хулаш йоагӏа, цар шахьара бахархой вахар тоаду, наьха безам тӏаозаш йола керда моттигаш хьаелл.
