Магӏалбике бехктокхаме эзар, наькъа бокъонаш телхаяь водитель
Магӏалбика кхале гӏолла йолча Россе ОМВД ОГИБДД болхлочо таьрахьий даькъ тӏара болх дӏахьош зийра, нах раьза боацаш хинна юкъарлон гойтам. Сурта тӏа гуш да, ВАЗ-21-01 автомобила водитель наькъа бокъонаш телхаеш, машин дӏа-юха лестаеш воагӏаш хилар, цо иштта йохаю автобусаш сецаш йола остановка. Полице сиха дӏабихьар из саг лохаш болх, царна хайра машина да малав.
«ВАЗ» автомобиль хьаяьккхай, лаьрххӏа йолча гӏод токхача моттиге дӏаоттаяьй. Водитела духьала, ГИБДД болхлоша административни лорткъамаш оттадир РФ КоАПа 2 д. 12. 4 ст. (ТС лаьрххӏа йола сердал е чӏоагӏа сигналаш оттаярах), 12.33 ст. (наькъаш е кхыдола наькъа гӏирсаш дохадарах), 1 д. 12.7 ст. (ТС водитель каьхаташ доацаш машинаца леларах), 1 д. 12.15 ст. (ТС бокъонаш телхаярах)», - аьлар «Сердало» газетага Гӏалгӏайче гӏолла йолча Россе МВД Госавтоинспекце.
Наькъа полице цкъа хьалхадаьккха ӏийнадац; наькъа бокъонаш телхаераш видеога гӏолла гуча ца боалаш бусаргбац, аьнна. Уж гучабоахаш бола болх даим дӏахьош ба.
