МагӀалбике тоадеш латт юкъара доазонаш
«Шахьара дика хьалаш хьакхолларах» йолча паччахьалкхен программах, «Фусам, шахьара хьалаш» яхача къаман программах МагӀалбике тоадаьд Шейх-Мансура, Кавказски яха урамаш. Укхаза асфальт Ӏобиллаб, гӀашлошта наькъаш даьхкад, сердал хургйола гӀулакх вӀаштӀехьадаьккхад. Карарча хана тӀема сийлен шахьаре Панфилова урам тоабеш ба. Цу урам тӀа а асфальт Ӏобулларгба, сердал а хулийтаргья.
Укх деношка болхлой къахьегаш ба гӀашлой наькъаш доахкаш, наькъа йистош кийчъеш.
«Шахьара дика хьалаш - хӀара вахархочунна эшаш дар. Къаман проекто лоархӀаме гӀо ду моттигерча Ӏаьдала, кулгалхошта юкъара доазонаш тоаде.
Вай вахара чам дукхагӀча даькъе тийша ба вай цӀа безаме хиларах; ков, урам тоабаь хиларах; цига вахара, балха хьалаш лерттӀа хиларах», - аьлар шахьара мэра Галай Мусас.
