Магӏалбике Осканаькъан С.С. дагалоаттама зӏамигача-футболах йола яхь дӏайихьар
Магӏалбикерча Серго Орджоникидзе цӏерагӏча боаринга тIа (стадиона тIа зӏамигача-футбола къовсам дӏабихьар. Из хетабаь бар Российски Федераце Хьалхарча Турпалхочоа Осканаькъан Сулумбика. Спортивни кхетаче дӏайихьар шахьара прокуратуро, мэре хьаллоацаш.
Магӏалбик-Шахьара администраце «Сердало» газетага ма аллара, футбола яхьашка дакъа лоацаш хилар 6 тоаба, царна чубоагӏаш бар 2010-2013 шерашка баь ондаргаш. Уж деррига ловзараш чакхдаллалца, бераша шоаш дика кийчо яь хилар гойтар.
Яхьаш дика чакхъяьлар, царех дог лаза баьхкараш а дукха бар. Цу тайпара котало яьккхараш белгалбир. Хьалхара, шоллагӏа, кхоалагӏа моттигаш яьхарашта сийлен кубкаш, майдилгаш, грамоташ елар.
Из болх вӏашагӏбеллараша белагалдир, цу тайпара яхьаш дӏаяхьаро кагирхошта юкъе унахцӏенон вахар доаржадеш, иштта цӏихезача мехкахоех бола дагалоаттам лорабеш хилар.
