Мах беча моттигашка рейдаш ю Магӏалбике
13.02.2026 09:13
Магӏалбикерча мах беча моттигашка рейд дӏахьош хилар шахьара администраце экономиках болча оагӏон болхлой, йоалах, къахьегама инспекцех йолча моттига викалаш. Шахьарерча хӏама йохкача моттигашка гӏолла гобаьккхар цар.
«Хӏама йохкара болх Россе цу оагӏонцарча бокъоно дӏадеххача тайпара бой, къахьегамах йола чӏоагӏо оттаяь каьхат дий, ханнахьа йоал дӏателий хьожаш чакхбаьлар цига», - дийцар «Сердалога» шахьара администраце.
Из болх лакха терко еш дӏахохьоргболаш ба. Болхлой къахьегама оагӏонцара бокъонаш лораяра тӏехьа дӏакхухьаш я рейдаш, цунга хьежжа, деррига а боаггӏача боараме хилар лоархӏаме да тахан.
