Оздой Мурада хиннача фецарча кемах йиса оатхалаш дIаелар МагIалбикерча музейга
МагIалбикерча тIема, къахьегама музейга хьакхаьчар, Россе Турпал хиннача советски летчика Оздой Мурада тIема шерашка леладаьча Як-7Б «24» яхача фецарча кемах йиса оатхалаш. Из хоам «Сердалога» бир МагIалбикерча администраце зарбан болх лелабераша.
1944-ча шера моастагIаша чудайтар Оздой Мурада фецара кема. Кема Iодожалехь, кIалхарвала аьттув баьлар вай мехкахочун, хIаьта фецара кема хи чу дежар. Тахан цох йиса оатхалаш хин кIалхара араяьхай тIемах дисараш лохаш лелараша.
«Кхетаче дакъа лоацаш хилар Юкъарча палатан доакъашхой, къона эскархой, шахьара совета депутаташ, иштта кхыбараш. Цу лоархIамеча вIашагIкхетаре къамаьл дир кагирхой политикахи туризмахи йолча Министерствон кулгалхо волча Малсаганаькъан Адама, республикерча Юкъарча палатан доакъашхо, шахьара даь гIонча волча ГIаьнтамарнаькъан ЯрагIе, шахьара совета кулгал деча Йовлой Iусмана. Оздой Мурада леладаьча фецарча кемах йиса оатхалаш МагIалбикерча музее ядаргья, моллагIчун хьажа аьттув болаш», - йоах хоамо.
