Магӏалбике къовсам лоаттабу, кхааш ийдарах йола бокъо телхаерашца
28.03.2026 21:57
Магӏалбикерча администраце дӏайихьар, кхоачашде деза лоархӏамедараш белгалдеш йола кхетаче. Белгалдаьрашта юкъе эггара керттера моттиг дӏалаьцар кхааш ийдара духьаларча балхо.
«Кхетачен доакъашхоша дийцар, кхааш ийдара духьалара болх ӏаьдала бокъоно дӏадеххача тайпара хила безилга. Шахьарерча прокуратуро цхьацца кхоачамбоацараш теркалдаьча моттигий гӏулакх тохкаш хилар цига», - дийцар «Сердалога» администраце болхлоша.
Цу оагӏонцара болх дӏахьош, гӏалатбаьннараш бехктокхаме оза безилга белгалдир кхетаче. Кхааш ийдара духьалара болх доал деча моттиге дӏахохьоргба, боаггӏача боараме токам беш.
