МагӀалбике лохаш ва, 15 шу даьннача кӀаьнкá урс техар
МагӀалбикерча бокъонаш лораераша дӀахьу хьем боаццаш лахара болх, бийсан цхьан тика юхе нийсденна хатар бахьан долаш. Ах бийса яьннача хана, цхьан тоаба юкъе дов даьннад, цига 15 шу даьннача кӀаьнка наькх тӀа урс техар.
Лозаваьр сиха дарбанче Ӏочувигав, хӀанз лораш хьожаш ба цунга. Цун вахара кхерам болаш хӀама дац.
ГӏалгӀай республике гӀолла болча тохкама болхлоша цу гӀалкхах хьадийллад, герз юкъедоаккхаш, кхувшвоагӀача сага могашала зе дарах дола ( РФ УК п. «з», 2 д., 111 ст. ) гӀулакх.
Карарча хана, урс техар малав ховш вац, из цу моттигера къайлаваларах. Хиннар фу бахьан долаш да яхача дешах тохкамхоша хоам баьбац.
Зулам даьчун 10 шу набахта валла ха йоагӀа. Тохкамхоша дех шоашта цу гӀулакхах ховш дар бокъонаш лораеча Ӏаьдала болхлошка дувцар. Зуламхо лоацаш, новкъостал хургда цох.
