Могаш доацача берий царгаш тоаю моттиг хьайийллай МагӀалбике
01.08.2024 20:24
Дарба хулаш доаца лазар кхийттача берашта лаьрхӀа, царгий лорий кабинет хьайийллар МагӀалбика кхален дарбанче. Из хоам «Сердалога» бир Мехкадаь зарбан болх лелабераша. ХӀанзалца цу тайпара моттиг вай мехка цаӀ мара яцар, хӀаьта из кӀезига яр. Вай мехкадас Келаматанаькъан Махьмуд-Ӏаьлас тӀадиллад; иштта йола кабинеташ хӀара кхале хьаелла, аьнна.
«Керда кабинет, тӀехьа хьадаьнна дикагӀа дола гӀирсаш оттадаь, ма хулла дика тоаяь я. ВӀалла лазар доацаш, дегӀа зе деш доацача тайпара царгаш тоаергья цига, дегӀа могашал эшаеннача берий.
Царга дарба даьчул тӀехьагӀа; лор, нана тӀахьожаш бер паргӀатта меттадоагӀаргдолаш; лаьрххӀа палата хьайийллай кабинета юхе», - дийцар мехка кабмино.
