МагӀалбикерча «Орлёнок» яхача берий беша хьадийллар «Хьалхарчар болам» яха дáкъа
МагӀалбикерча «Орлёнок» яхача берий беша хьадийллар «Хьалхарчар болам» яха юххьанцара дáкъа. Иштта эггара зӀамагӀа бола МагӀалбика бахархой нийсбелар хьинар долаш а майра а йолча тоабан юкъе.
«Цӏай тамашийна нийсделар цига. Хьаьша йолаш берий беша ена хилар «Хьалхарчар болама» моттигерча отделене кулгалхо Албохчанаькъан Марина. Цо кхайкарал дир берашка дег чура доагӀача дешашца, доккхий гӀулакхаш дӀадолалу зӀамигача гӏулакхашкара, бакъда тешшаме гӀа боаккхаш», - аьлар «Сердало» газетага МагӀалбика шахьара администраце.
«Орлёнке» цу дийнахьа доккха цӀай долаш санна хеталора. Хьехархоша иштта хоза вӀашагӀбеллар из болх. Зӏамигабараш а боккъонцахьа бола хургдолчун турпалаш шоаш болаш санна бар; доагача бӀаргашца, дийнача безамца «Хьалхарчар» боккхача дезалах дӀакхеташ шоаш хилара раьза болаш.
Кердача тароний цӀай дӀахьош гуш хилар, зӀамигабараш шоай толамашца боккхагӀбараш цецбаха лаьрхӀа хилар.
