Гӏалгӏайчен Магӏалбика кхале, кхадж тоссаш ба тоае езача моттигашта тӏехьа
Гӏалгӏайчен Магӏалбика кхале дӏахьош ба, ерригроссийски лоархӏама кхадж тассара болх, 2027 шера тоаде деза доазонаш белгалдеш. Из проект кхоачашъеш я «Шахьара дика хьалаш хьакхоллар»яхача федеральни прог-рамма чуйоагӏаш, иштта «Фусам, шахьара хьал» яхача къаман проекта чуйоагӏаш.
«Чакхдаьлар массане геттара бехктокхаме кхадж тоссаш хинна диъ кӏира, хӏанз дӏахьош да пхелагӏдар. Моттигерча бахархоша дика дакъа лоац цу балха юкъе: таханарча денга кхоачаш шийна бакъахьа хета доазув хоржаш кхадж тесса баьннаб 3 эзар совгӏа бахархой. Хӏанз укх сахьате, из хьал иштта латт. Йоккхача Ачалкхен Горни урам тешшаме хьалха ба.
Цун кхадж тессар кхален 2924 сага. Из моттиг тоаяро таро лургья гӏашлой наькъа хьал дикагӏа де, юрта оагӏув а тоае, из кхерамзле йолаш хургья, цун юхерча берий беша ухарашта а накъайоалаш я. Юкъерча Ачалкхен Нефтяникий урам шоллагӏча моттиге ба, цун кхадж тессар 852 сага», - аьлар «Сердало» газетага Магӏалбика кхален администраце.
Доал деча даькъ тӏарча ӏаьдало хьалхадоаккх, кхален хӏара 14 шерал совгӏа ха яьнна саг бокъо йолаш ва чаккхе еш бола толам хувца. Кхадж тоссаргба кӏимарса бетта 12-ча денга кхаччалца, къаьстта бахархоех тийша да малагӏа юкъара моттиг хувцалургья хьалхарча аргӏагӏа.
