Бераш лорадара Ди дезде кийчлуш ба МагӀалбика кхале
27.05.2025 12:35
Берашта тӀахьожам лоаттабарах, терко ярах болча оагӀоно, вахара оагӀоно, 18 шерга кхачанза долча берий гӀулакхех йолча комиссе дакъа лоацаш йола кхетаче дӀайихьар МагӀалбика кхале.
ХӀара шерарча ахкан хьалхарча бетта 1-ча дийнахьа дездеш дола, бераш лорадарах долча Денна хетаяь кхетаченаш дӀаяхьарах дийцар гулбеннараша.
«Сердалога» баьча хоамах, керттера кхетаче дӀаяхьа лерхӀ Инаркъерча культуран цӀагӀа. Сакъердам, мерза даараш долаш; доккха цӀай хургда из. Бераш раьза хургдолча тайпара кийчде лаьрхӀад деррига.
