МагӀалбикера моттигаш тоаеш латт
26.09.2024 11:05
Шахьара моттигаш тоаярах йола къаман проект болх бе дӀайолаелча денз, 15 моттига куц эргадаьккхад МагӀалбика кхале. Дукха ха йоацаш, тоабир Кердача Редантера Бекбузаранаькъан цӀерах бола урам. Паччахьалкхен, къаман проекташка гӀолла боккха болх дӀахьош; хозача хьал тӀа йоалаяьй кхален моттигаш. Из хоам «Сердалога» бир гӀишлон балхех йолча министерствос.
«800 метрага кхоачаш болча Бекбузаранаькъан цӀи лелаеча урам тӀа асфальт билла, керда лампаш ехкай. Наькъа юкъе басарашца белгало йича деррига йистедаьннад», - белгалдир министерстве.
2025-ча шера тоабе беза, аьнна, къоастабаьб Заьзгакъонгий-Юртара Центральни оала урам. Белгалде деза, шахьара моттигаш тоаярах йола къаман проект 2030 шу тӀакхаччалца болх беш хургйолга.
