Гӏалгӏайчен Магӏалбика кхале дикагӏа болча лорий йижарашта совгӏаташ делар
Магӏалбика кхален №1 йолча керттерча дарбанче лаьрххӏа йола кхетаче хилар, из хетаяь яр лорий йижарий Халкъашта юкъерча денна. Укхаза гулбелар, хӏара денна бахархой могашал тоаяра хьалхарча мугӏарашка латтараш, цар гойтар лакха профессионализм, фийла хилар, шоай гӏулакха мутӏахьа хилар.
Баркал оалаш, гулбеннарашка къамаьл дир кхален администраце вахара даькъа кулгалхочо Бохтаранаькъан Ибрахӏима. Цо даькъалабийцар лорий йижарий Магӏалбика кхален кулгалхочун Къоастой Ӏаддал-Хьамида цӏерах, цо белгалдир цар къахьегам атта боацарех хилар, иштта из лерхӏаме хилар.
«Кхетаче дӏахьош белгалйир профессионализм, ший гӏулакха мутӏахьа хилар, кхален бахархошта дарба дара хӏара денна лакха бехктокхам дӏахьош бола лораш даим къахьегаш хилар. Ше къамаьл деш, Бохтаранаькъан Ибрахӏима баркал аьлар, могашал яйнача наха уж иштта дика накъабоагӏаш, царна дарбаш деш хиларах», - аьлар Магӏалбика кхален администраце зарбан болх лелабераша.
Из кхетаче дӏахьош дег чура баркал аьлар лорашта, иштта царна елар грамоташ, ахчан совгӏаташ.
