Гӏалгӏайчен Магӏалбика кхале наькъа кхерамзленах дийцар
Гӏалгӏайчен Магӏалбика кхале дийцар, наькъа кхерамзленах лаьца. Из дош дувцаш кхетаче дӏайихьар, доал дара даькъ тӏарча администраце кулгалхочо Къоастой Ӏаддал-Хьамида кулгал а деш. Иштта цига къамаьл дир ЧС, ГО доакъой кулгалхочо Бохтаранаькъан Ӏалихана, цо хоадам болаш гойтар наькъа кхерамзлен ӏалашо яра де лерхӏар.
«Керттера терко тӏаяхийтар кхален дешара моттигашта тӏадолха наькъа такилгаш йистедахара. Из хаттар кхоачашдеш да берий кхерамзле лораяра, наькъ тӏара хьал тоадара. Къаьстта йола терко лоаттаю дешара моттигашта. Дӏахо дийцар Магӏалбика доал деча даькъ тӏара наькъа хьал. Белгалдир наькъаш тоадара болх чакхбаккхар лоархӏаме долга, водителашта, гӏашлошта кхерамзлен ӏалашо хургйолаш», - аьлар «Сердало» газетага Магӏалбик кхалерча администраце зарбан болх лелабераша.
Доал деча даькъ тӏарча администраце кулгалхочо Къоастой Ӏаддал-Хьамида белгалдир, цу даькъ тӏара хьал кхоачамбоацараш юкъе доацаш хилийта, уж сиха юстардаха дезилга. Кхетаче чакхйоалаш цу хаттарех йолча службашта тӏадиллар уж хаттараш кхоачашдар.
