ГӏалгӀайчен МагӀалбика кхале СВО доакъашхочоа новкъостал дергда
Даьхен бӀухой хьашташ кхоачашдар, царна новкъостал лоаттадар керттера декхар да доал деча даькъ тӀарча Ӏаьдала. АргӀанара нах тӀаэцаш ди долаш, ГӏалгӀайчен МагӀалбика кхален администраце кулгалхо Къоастой Ӏаддал-Хьамид волча вера Юкъерча Ачалкхен вахархо, из ва лаьрххӀача операце доакъашхо. Бӏухочо дийцар цхьацца дола шийна хьалхашка нийслу хаттараш. Уж дувзаденна дар вахара хьалаш тоадарца, иштта юртара хьал дегӀадоаладара новкъостал эшаш хиларца.
Цун дехар дар дукха хаттараш чулоацаш, цу юкъе токацара хьал тоадар, никъ тоабар, ший цӀенна газ хьатӏаяр.
«Цунга ладийгӏачул тӀехьагӀа, Къоастой Ӏаддал-Хьамида декхар тӀадиллар, цун хаттараш чудоагӀача боахамий говзанчашта, моттигашта; из хьал сиха теркалде, лоаццача хана деррига кхоачамбоацараш юстардаха, аьнна. Вай кагийча наха СВО дӀахьош шоашта могар ду Россе сатем, машар лорабеш. Вай декхар да царна терко лоаттаяр, цар хьашташ кхоачашдар», - аьлар «Сердало» газетага МагӀалбика кхален администраце зарбан болх лелабераша.
ГӏалгӀайчен бахархой дег чура баркал оалаш ба, лаьрххӀа тӀема операци дӀахьоча бӀухошта, цар майралах, деналах. Цар баьккха гӀа - из бокъонца бола Даьхен къонгаш уж хилар хьагойташ ба.
