Гӏалгӏайчен Магӏалбика кхале берий кхааш ийдара духьалара болам хилар
Берашцара къамаьл цар кхетабеча меттала хилча бакъахьа да, дувцар дикагӏа дӏаэцаргдолаш, ловзарашка е шоаш деш долча къамаьлага гӏолла. Къаьстта цу тайпара къамаьл хилар Магӏалбика кхален культуран-салоӏама центре, из вӏашагӏделлар Юкъерча Ачалкхен культуран Цӏагӏа; «Соцаде кхааш ийдар!» яха чулоацам бола яхь, берий суртий гойтам дӏахьош.
«Къонача доакъашхошта уж яхьаш дӏахьош хиларо таро елар; шоай начӏал гойта, юкъарлон мах бараш довза. Къоаламашка, басарашка гӏолла бераша гойтар нийсхо, бакъдар леладар, цӏена хилар шоаш мишта тӏаэц. Берий хIара суртага гӏолла го йиш яр мел лоархӏаме да моллагӏча вахара хьалашка цӏена, нийсхон тӏехьа хилар», - аьлар «Сердало» газетага из болх вӏашагӏбеллараша.
Яхь дӏахьош, бераша дика къахьийгар, кхелахошта атта дацар цу юкъера дикагӏвар хьахаржа. Иштта кхоъ хьалхара моттиг яьккхараш хилар эггара хозагӏа сурташ дараш. Бакъда ца зувш цхьаккха а болх бисанзар, деррига сурташ гойтама чудоагӏаш хилар.
Болх дӏахьош хиннараша теркал ца деш дитанзар дакъа ца лаьца бераш а. Царна кийчъяьяр «Тийшача балха фаьлгаш» яха викторина. Къона хьаьший дика дакъа лоацаш бар къамаьла юкъе, цар лохар шоашта бовзача фаьлга къайленаш. Хӏара нийса жоп деннача бера мерза хӏама лора. Цу тайпара уж ӏомабора нийсадар, доацар къоастаде, цун мах бе.
Кхетачено хьагойтар, бокъоний культура, нийса хьал довзар бераша цу тайпарча кхоллама балхага гӏолла ӏомадеш хилар.
