КДН аргӏанара кхетаче дӏайихьар Магӏалбика кхале
18 шерга кхачанза болчар гӏулакхех, цар бокъонех йола кхетаче дӏахьош хилар Магӏалбикерча администраце. Кхетачен кулгал деш хиннар вар администраце вахара оагӏонцарча моттига хьалха латташ вола Бохтаранаькъан Ибрахӏим.
«Гулбеннараша дийцар 18 шерга кхачанза бараша ханал хьалха паспорташ хьаийдарах, шоаш бахача моттиге уж дӏаязбаь латташ цахиларах. Иштта цига дийцар даьша, ноаноша цар бокъонаш лорацаярах, боаггӏача боараме терко ца лоаттаярах.
Хӏара оагӏонца де дезараш хьалхадаьхар кхетаче»,- дийцар «Сердалога» администраце зарбан болх лелабераша. 18 шерга кхачанза барий гӏулакхаш боаггӏача боараме лорадарах, царна тӏехьа цӏагӏа, дешаш болча моттигашка лакха тӏахьожам лоаттабарах дийцар вӏашагӏкхийттараша.
Болх массане цхьана боаггӏача боараме дӏабахьаро меттадоаладергда цу оагӏонца дувзаденнараш.
