Моттигаш тоаярах, йоал яхарах, эскаре тӏабехарах дийцар Магӏалбика кхале
Хӏара кӏира дӏакхухьаш йола аргӏанара кхетаче хилар Магӏалбика кхален администраце. Цига гулбеннабар администрацешкара кулгалхой, иштта кхыбола цу оагӏонцара болхлой. Гулбеннараша дийцар, тоае еза моттигаш белгалъеш, бахархошта юкъе хоржамаш дӏакхахьарах. Магӏалбика кхален бахархой цу гӏулакха юкъе дикка дакъа лоацаш хьабоагӏа.
«Кхетаче дийцар йоалаца дувзаденнарех. Цу оагӏонцара болх боаггӏача боараме дӏагӏоргболаш, йоал дӏачутела езарашца къамаьл деш, хьаӏайна латта декхар дӏачудалара тӏахьехаш къахьега дезилга белгалдир кхетаче. Цул совгӏа цига дийцар кагирхой эскаре тӏабехара хьакъехьа. Юрташкарча администрацей кулгалхошта тӏадиллар, йиллача хана шоай болх чакхбоаккхаш хила, аьнна. Тӏема комиссариатаца бувзаме болаш, дӏадахьа дезаш гӏулакх да из», - дийцар «Сердалога» цу моттигера.
Къаьстта терко еш дийцар коммунальни оагӏонца дувзаденнарех а. Хьакимашта хьалхадаьккхар, ханнахьа декхар дӏалуш, кхыбарашта масал гойташ хила безилга.
