Магӏалбика кхале дийцар, доал деча даькъа дегӏаахара наькъаш
Магӏалбика кхален администраце кулгалхочо Къоастой Ӏаддал-Хьамида аргӏанара кхетаче дӏайихьар ший гӏончашца, боахамий кулгалхошца. Дийца дош дар хаттараш кхоачашдар- эскаре тӏахьехача кампанегара хьалхашка латта декхараш кхоачашдарга кхаччалца.
«Совещане белгалдир, эскаре тӏахьехаш йола кампани дӏаяхьа кийча хилар. Шахьара кулгалхочо хьалхадаьккхар, наха из болх дикагӏа дӏабовзийта кхетаче яр. Иштта дийцар шоай доалахьара боахамаш, лаьтташ тӏачӏоагӏдара болх дӏабахьа безарах. Къоастой Ӏаддал-Хьамида тӏадиллар из болх сиха дӏабахьар. Цу юкъе дийцар коммунальни хьалех доагӏаш дола декхар хьадаккха дезар, цо таро лу ЖКХ оагӏорахьа бахархошта лерттӏа вахара гӏулакхаш лоаттаде. Кхыдола аргӏанара хаттараш а дийцар кхетаче», - аьлар «Сердало» газетага цигарча администраце.
Кхетаче дӏахьош лаьрххӏа дола хаттараш къоастадир. Цу тайпара кеп йола кхетаче дӏахьош хиларо новкъостал ду кхален таронаш нийса лелае.
