Зуламе долча гӏулакхашта сунт тохарах дийцар Магӏалбика кхале
Магӏалбика кхален администраце хиннача кхетаче дийцар кхерамзлен оагӏонца, зуламашта духьала къовсам лоаттабарца дувзаденнарех. Кхален кулгалхочун гӏонча вола Мержой Исраил вар кхетаче дӏахьош хиннар. Спорта, культуран оагӏонцара болхлой, иштта журналисташ бар цига гулбенна. Кхетаче дийцар терроризм, экстремизм яхача зулама духьала болх лоаттабарах.
«Мержой Исраила белгалдир, культуран, спорта моттигаша кагирхошца болх лоаттабеш, царна пайдане хургдар хьалхадоаккхаш болх бе безилга. Спорта, культуран проекташта юкъе хилийта беза вай тахан къонабараш, вахаре цхьа никъ дӏахьош хилар лоархӏаме да воча хӏаман сунт тохара тӏехьа. Терроризм яхача доккхача зулама духьала къовсам лоаттабеча комиссес белгалдир из болх вай массане хьаллоацаш дӏабахьа безилга, къонабарий кхетам нийсбар, воча гӏулакхашта уж юстара хилийтара тӏехьа къахьегар, тахан лоархӏамеча декхарех долга», - дийцар «Сердалога» семинара доакъашхоша.
Интернета оагӏонашка гӏолла, кагирхой тувлбе, воча хӏаман юкъеоза гӏертарий наькъаш тедаш хила деза вай. Цу оагӏонцара болх дӏахьош кхоачашде дезараш белгалдир семинаре.
