Магӏалбика кхале дийцар СВО доакъашхой, цар дезалаш хьаллацарах
«Даьхен лорабой» Гӏалгӏайчен моттигерча ганза вахара оагӏон болх лелабеча Коазой Хьамида вӏашагӏкхетар хилар, Магӏалбика кхален депутатий совета кулгалхочунца Гӏулой Къурейшаца, шахьара совета депутатаца Йовлой Ӏусманаца. Цар цхьана дийцар, СВО доакъашхошта лоаттадеш дола новкъостал кхы а дикагӏа мишта де йиш я. Цига бийцараш бар эггара халагӏча хьале бола бӏухой-заӏапхой хинна биса тӏема ветеранаш, иштта цига бейнарий, е таханарча денга кхоачаш мичаб ца ховчар дезалаш.
«Тахан хьажа везаш латтача хаттарех цаӏ дар Даьхен бӏухой дезала кхайкаралаш. Уж дувзаденна да урамаш, ковнаш тоадарца, бейнача бӏухой цӏераш техка урамаш, дешара моттигаш хилийтар, иштта СВО турпалхой дагалоаттама Къаьгеш, мемориала улгаш хьаделлар.
Уж хаттараш кхетачен доакъашхоша теркама юкъеийцар, доал деча юртий, шахьарий администрацешца цхьана, кастлуш уж кхоачашдергда, аьлар», - яхаш дийцар «Сердало» газетага «Даьхен лорабой» ганза болхлоша.
Балха кхетаче чакхйоалаш, доакъашхоша белгалдир, Даьхен бӏухой, цар дезалий йоакхо яр - из юкъара декхар хилар, цо дӏадех сиха а дика а из кхоачашдар.
