Магӏалбика кхале дийцар вахара ӏалашон хаттараш, иштта «БАРС»дӏаэцарах
Гӏалгӏайчен Магӏалбика кхален администраце дӏайихьар аргӏанара кхетаче. Цига дийцар доал дара даькъ тӏара вахара ӏалашон хьалаш дегӏадоаладара хаттараш. Балха кхетаче дӏайихьар кхален администраце кулгалхочун гӏончас Къоастой Руслана. Цига дакъа лоацаш хилар моттигерча юртий администрацей кулгалхой, цар доакъой кулгалхой, иштта кхыча боахамий викалаш.
«Керттера терко тӏаяхийтар коммунальни мах гулбара хаттара. Карарча хана дӏахьош я рейдаш, уж лаьрхӏа я хьа ца луш латта коммунальни ахча гулдара. Администраце викалаша, цун чудоагӏача доакъошца дӏахьу нахацара уж дӏакхетабара болх, царна хьалхадоаккх шоай ханнахьа вахара-коммунальни хьалех бола мах дӏабала безаш хилар, дӏа ца лойя цох малагӏа гӏод тохаргда ӏаьдало.
Ший ханнахьа коммунальни йоал дӏалуш хилар лоархӏаме да, хӏана аьлча цунга хьежжа мара цун болхлой гӏулакх дӏагӏоргдац, бахархошта дикал йола вахара хьалаш лоаттаде таро а хургьяц. Цу гӏулакха лаьрхӏа йола рейдаш е лаьрхӏад, цунца цхьана нах дӏакхетабу болх а чӏоагӏбеш. Цига дувца оттадаьча хаттарашта юкъе дар йоал гулъяра дош а.
Доакъашхоша дийцар йоал гулъеча даькъ тӏара болх дикагӏа вӏашагӏболларах, бюджете хьачулуш дола ахча дукхагӏа хургдола оагӏув лаха езарах», - аьлар «Сердало» газетага Магӏалбикерча кхален администраце зарбан болх лелабераша. «Барс» яха нах тӏахьехара кампани дӏаяхьарах а дийцар цига. Кулгалхошта хьалхадаьккхар, моттигерча бахархошца къамаьл дар, царна льготех, паччахьалкхен новкъосталах лаьца моллагӏа бола хоам бовзийтар лоархӏаме долга.
