МагӀалбика кхале бераш лозадаь хилара тешал динзар
09.07.2025 15:36
Лохерча Ачалкхен администраце кулгалхочо Къоастой Ювсапа видео дӀаязйир, цо дувц, тӀаь тӀара чулийга бераш лозадаь хилар бакъдац, яхаш. Из видео ший телеграм-оагӀон тӀа оттайир МагӀалбика кхален администраце.
«Кхален кулгалхо Къоастой Ӏаддал-Хьамид, юрта кулгалхочунца Къоастой Ювсапаца, вахар из бокъонца хиннайий хьажа.
ТӀахьожама болх дӀабихьачул тӀехьагӀа, из бакъдоацилга гучадаьлар. Карт дикка йохаяьяр, машин тӀатеха. Кхален кулгалхочо тӀадиллача декхарах, из юха сиха тоайир цу дийнахьа.
Цул совгӀа, Къоастой Ӏаддал-Хьамида тӀий тоаде аьлар. Цига эшаш дола хӀама ийцайд. Болх дӀаболабергба кхоана», - аьлар хоамо.
