Магӏалбика кхале дӏахо кхадж тоссаш ба моттигаш тоаяра тӏехьа
Гӏалгӏайчен Магӏалбика кхале чуийнна кхадж тассара болх дахьош ба, «Шахьара хьалаш тоадара» яха федеральни проекта чудоагӏаш. Бахархоша шоаш белгалду малагӏа юкъарлон доазонаш хьалхарча аргӏагӏа тоаде деза. Харжа оттаяьраш ши моттиг я: Йоккхача Ачалкхера Горная, Юкъерча Ачалкхера Нефтяникова урамаш.
«Хӏанз укх сахьате хьалха ба Горная урам - из кердабаккхара тӏехьа кхадж тессаб 892 сага. Нефтяников урам тоабара тӏехьа кхадж тессар 654 саг ва», - аьлар «Сердало» газетага Магӏалбика кхален администраце зарбан болх лелабераша.
Кхадж тоссаш хургба аьтинга бетта 2-ча денга кхаччалца. Шийна бакъахьа хета доазув хьахаржа таро йолаш ва кхален хӏара вахархо, 4 шу даьнна из вале. Кхадж тоссача дакъа лаца йиш я онлайн zagorodsreda.gosuslugӏ.ru даькъ тӏа е волонтерашка гӏолла, уж болх беш ба юрташка.
