Магӏалбика кхале къахьегама шоатта хилар
04.04.2026 19:51
Магӏалбика кхален моттигашка дӏадихьар доккха къахьегама шоатта. Кхален экологически хьал меттадоаладара тӏехьа боаржабеш болам бар из.
«Къахьегама шоатта хьаллаца арабаьлар ӏаламах дог лазараш. Къаьстта терко йир дукха нах хулача моттигашта. Массанахьара нувхаш гулъеш, гӏашлой наькъаш, газонаш цӏенъеш, йокъаенна йоархӏаш дӏайоахаш, къахьийгар наха, иштта зизаш дӏадогӏа деза моттигаш кийчйир», - дийцар «Сердалога» Магӏалбика кхален администраце зарбан болх лелабераша.
Шахьарерча хьакимаша белгалдечох, ишттача боламга гӏолла шоаш баха моттигаш цӏена лоаттае, цар куц лораде ӏомалу бахархой. Къахьегама шоатта доаржадеш хилар тахан беркате гӏулакх да, хӏана аьлча ӏалама хьал лорадар наха тӏалатта декхар да.
