Магӏалбика кхале терроризм бахьан лаьца яьллача сагаца къамаьл дир
Гӏалгӏайчен Магӏалбика кхале хьехама тӏехьара вӏашагӏкхетар дӏадихьар хьалха терроризм бахьан лаьца яьллача сагаца. Цига дакъа лоацаш вар доал деча даькъ тӏарча террориззма духьаларча комиссе аппарата кулгалхо Джамболатанаькъан Мухьмад, доал дара, кхувш боагӏарий гӏулакха йолча отделий болхлой, иштта юртарча администрацей кулгалхой.
«Ӏаьдала викалаша цхьана дӏахьоча балха керттердар да, лаьца яьллачара цӏаенача кхалсага вахар нийсача новкъа даккхар, цун оагӏорахьара кхы харц хӏама цанийсдалийтар. Къамаьл деш дийцар вахаре бувзам лелабара, из балха оттаяра хаттараш, иштта юкъарлон вахарца из бехктокхаме хиларах», - аьлар «Сердало» газетага Магӏалбика кхален администраце зарбан болх лелабераша.
Тхога хоам баьчо яхачох, цу тайпара хьехама болх дӏахьу Магӏалбика кхале цахаддаш.
Каст-каста цу тайпара вахар леладеча нахаца вӏашагӏкхетараш хиларо таро лу доал деча даькъ тӏарча ӏаьдала, иштта бокъонаш лораерашта шоай ханнахьа боахама болх нийсбе, иштта из хьал шозлагӏа хургдоацаш тоаде.
