Магӏалбика кхале чӏоагӏбеш ба ЖКХ декхар гулдара болх
Гӏалгӏайчен Магӏалбика доал деча кхален администраце кхетаче дӏайихьар, цига дакъа лоацаш бар юрташкарча администрацей кулгалхой, аппарата чудоагӏача даькъ тӏара хьакимаш, иштта хьалаш-таронаш лоаттаеча компаней викалаш. Кхетаче дӏайихьар, кхален администраце кулгалхочо Къоастой Ӏаддал-Хьамида кулгал деш. Цига дийца дош дар йоал гулъеш бола болх тоабар, юрташка бахача нахагара коммунальни хьалех дола ахча хьагулдар.
«Къоастой Ӏаддал-Хьамида белгалдир, коммунальни хьалех бола мах хьагулбар лоархӏаме долга. Цох тийша да вахара-коммунальни боахама болх лерттӏа дӏабахьар, наха лоаттадеча хьалий дикал хилийтар. Цунца дувзаденна, цахаддаш тӏахьожам лоаттабе беза, декхар хьагулдара, из хьал тоадара тӏаберзабе беза беррига болх, яхаш, дийцар цо дӏахо. Кхетаче къаьстта теркалдир йоал яккхара хьал тоадара дош. Юртий администрацей кулгалхошта, бехктокхаме болча болхлошта тӏадиллар, цу даькъ тӏара болх дикагӏа дӏабахьар, йоал йоаккхача болхлошца цхьана бувзам лелабар, иштта хоамий - хьалхадаккхара болх бахархошца, доалахьара хIама леладерашца дӏабахьар», - аьлар «Сердало» газетага Магӏалбика кхален администраце зарбан болх лелабераша.
Доал дара даькъ тӏарча администраце кулгалхочо белгалдир, ший ханнахьа коммунальни мах дӏалуш, моттигера ганз хьалъюзаш хилар керттера декхараш да, даим тӏехьахьажа везаш а да. Иштта цо белгалдир шоай балхаца бехктокхаме хила безилга, болхлошкара хьадийхар кхален хӏара юрта лоарххӏаме толамаш дахара тIадерзадаь хилар.
Кхетаче чакхйоалаш, Къоастой Ӏаддал-Хьамида хоадам болаш декхар тӏадиллар администрацена чудоагӏача доакъошта, юртий администрацей кулгалхошта, кхоачамца ӏалашо лоаттаеча предприятей викалашта. Уж берригаш а коммунальни хьалех йола йоал хьагулъе лаьрхӏа ба. Из декхар кхален кулгалхочо царна хьалхашка оттадир.
