«Доттагӏала чарх» яха велосипеда хахкарах яхь хилар Магӏалбика кхале
Бӏаьстен, къахьегама Цӏай дездеча дийнахьа йоккха спорта кхетаче дӏахьош, велосипед хоахкаш хилар Магӏалбика кхале. Машара, къахьегама, берригаш цхьанкхетара Ди хилар цох. Тайп-тайпарча ханашка кхаьча нах бар цу дийнахьа гулбеннараш.
«Кхален культуран гӏулакхех йолча моттиго дӏахьош болх ба из. Спорт йоаржаяра, берригаш цу юкъе чуозара лоархӏаме моттиг дӏалоацаш да из гӏулакх. Велосипедаш хахка баьлча, ара ӏохайша, бӏайха кхача буаш баьгӏар доакъашхой, цул тӏехьагӏа совгӏаташ делар царна», - дийцар «Сердалога» кхален администраце зарбан болх лелабераша.
Къахьегама ветеранаш, къонабараш цхьана арабаьнна; спорт, унахцӏена вахар доаржадеш бола болх хилар цох цу дийнахьа. Къаман ӏадаташ лархӏаро, спортаца бувзам лоаттабаро нах массахана шоайла вӏашкаозаш хиннаб, моллагӏча ханага кхаьчабале а.
