Бераш деча керттерча цӀагӀа, 369 керда дезалхо малхаваьннав
04.04.2024 15:06
ДӀабахача бетта, республикан бераш деча керттерча цӀагӀа малхадаьлар 369 бер: 189 кӀаьнк, 180 йиӀиг, яхаш, дийцар ГӀалгӀай Республикан паччахьалкхен зарбан болх лелабераша.
Керда хьадаьча берашта юкъе – ялх бер шола даьд, царех шиаш йиӀигаш я; вож диъ кӀаьнк - йиӀиг долаш нийсденнад.
30 бер ханал хьалха даьд. Цигара лораш цар могашалга хьожаш ба; дахаргдолаш да уж, лораша яхачох.
Дозал доккха дола бер а да царна юкъе, из ва 4 930 г вола кӀаьнк, цун лакхал - 57 см. Эггара кӀезигагӀа дозал а лакхал а да йиӀига. Из я 480 г, лакхал - 28 см.
Из яьй 27 кӀиреи цхьа дии даьннача хана»,- йоах хоамо.
Ювца йиӀиг укх дунен чуяла сихъенна хиннай. Дала цунна а кхыча берашта а беркате долда ер дуне.
