Илдарха-Гӏалан мэре дийцар лоархӏаме дешаш
18.02.2026 15:50
Кхетаче дӏахьош, Илдарха-Гӏалан мэра Дидиганаькъан Ахьмада ший гӏончашца, администраце доакъой кулгалхошца цхьана дийцар лоархӏаме хаттараш.
«Керттера къамаьл доагӏаш дар бӏаьсти эскаре баха тӏабехаш йола ха дӏайолалуш хилара; гӏишлош йоал яккхара даькъ тӏа оттаяра; бахархошкара коммунальни хьалех дола декхар гулдара; лаьтташ, доалахьара боахамаш, машинаш юлаш йола станцеш дӏаязъяра. Уж хаттараш кхоачашдеча бехктокхамечар дийцар дӏахьоча балхах, шахьара кулгалхо хьежар ше тӏадилла декхар мишта кхоачашдаьд», - аьлар хоамо.
Болх чакхбоалаш, Дидиганаькъан Ахьмада хӏара даькъ тӏарча кулгалхочоа ше-ший балха оагӏорахьара лоаццача хана дика толамаш хилийтар дӏадийхар.
