Илдарха-Гӏалан мэре кхетаче хилар СВО хинна цӏабаьхкача доакъашхошца
Илдарха-Гӏалан администраце кулгалхочун гӀончаца Йовлой Тимураца вӀашагӀкхетар хилар лаьрххӀача операце тӀема даькъ тӀа хиннача доакъашхой. Кхетачене иштта бар «Даьхен лорабой» ганза филиала викалаш - вахараца дувзаденнача дешашца болх бу Темарханаькъан Ӏийса, Чиймарзанаькъан Марем.
«Кхетаче дӀайихьар шоайла къамаьл деча кепара. Ветеранаша дийцар вахара меттаоттавара хаттараш, иштта шахьара хьалаш тоадарах. Керттера терко тӀаяхийтар СВО ветеранашта балха отташ новкъостал дара. Бӏухошта иштта дагадоаллаш дар наькъа хьалаш тоадар, цхьацца долча урамашка асфальт Ӏобилла безаш хилар.
Йовлой Тимура цига мел дийца хаттараш ший тӀахьожаме ийцар. Илдарха-Гӏалан «Даьхен лорабой» ганза филиала социальни болх лелабераша шоай аргӀагӏа гулбеннарашка хоам бир, паччахьалкхен оагӀорахьара новкъостал хиларах, иштта царна хьалхадаьккхар малагӀа льготаш я», - аьлар ганзе «Сердало» газетага.
Цига дийца дешаш дӀахо кхоачашдара, Илдарха-Гӏалан мэрена чубоагӀача болхлошта лоархӀаме декхар тӀадиллар. Шахьара кулгалхой лаьрхӀа ба лоаццача хана ветеранаша хьалхашка оттадаь декхараш кхоачашде.
