Хьалхарча канала лаьрхӀа киносъемкаш яхарах дийцар Миннаце
02.04.2025 13:28
Магас хьакхоллара Денна хетаяьча, Россе керттерча канала лаьрхӀача киносъемкех дийцар Миннаце, тахан дӀайихьача кхетаче. Из хоам «Сердалога» бир министерстве. Маьлха шахьара вахарах, цун хьалъоттарах дувцаргда 1-ча канала сюжете.
Иштта кхетаче гулбеннараша дийцар укх бетта 15-ча, 16-ча деношка Магасе дӀахьоргйолча къамашта юкъерча семинаре RT, МИА «Росси тахан» яхача оаг1оний болхлоша журналисташта, блогерашта лаьрхӀа дӀахьоргболча гойтама балхах.
«Министр волча Мизенаькъан Руслана тӀадиллар, семинар дӀахьоргйолча доазонга хьажа, цу юкъе хургбола доакъашхой, спикераш дӀаязбе, иштта кийчон болх лакхача боараме дӀахьо аьнна», - белгалдир Миннаце.
