ГӀалгӀайчен юртбоахама Министерстве дийцар, гурахьа ка бола ялат дӀадерах
02.12.2024 12:11
ГӀалгӀайчен юртбоахама Министерстве дийцар, гурахьа дӀадувш дола ка бола ялат дӀадерах лаьца, ГУПий кулгалхошца кхетаче дӀахьош. Из хоам газетага бир ахархоша.
Предприятей кулгалхоша яхачох, республике гурахьа дӀадувш дола ялат дӀадийна даьннад.
Деррига а 2025 шера лаьрхӀа из дӀадийнад 26,7 эзар гектара тӀа. Царех кӀа - 16,9 эзар гектар, мукх - 5,2 эзар гектар, рапс - 2,8 эзар гектар, доакъара дола ялат - 1,8 эзар гектар. Ялат дика хьатӀадала тарлуш да», - аьлар лаьтташ леладераша.
Цул совгӀа, министерствон кулгалхоша хьайбаш Ӏангара дахара кийчо яь хиларах а аьлар.
