ДОМ.РФ ганзаца бувзам лоаттабарах, дийцар гӀишлошъяра Министерстве
ДОМ.РФ ганза кулгалхо волча Финогенов В., Паччахьалкхен кулгалхочун гӀонча волча Балахой М., гӀишлошъяра Министерствон хьалхалаттача Иленаькъан М. кхетаче дӀайихьар министерстве. Из хоам «Сердалога» бир цу моттигера.
Республикерча паччахьалкхенца бувзам чӀоагӀбе, мехкарча моттигашкара вахара-экономикан хьал тахка кхаьчаб вай мехка ДОМ.РФ яхача ганза проектех бола викалаш.
«Кхетаче дийцар вахара-экономикан хьал тоадарах болча бувзамах. Цу оагӀонца оттадаьча каьхато хьагойт доазон хьал, экономика. Массайола моттигаш чулоацаш дӀабахьа безаш боккха болх ба из», - белгалдир министерствон болхлоша.
Магаса-Шолжа-Шахьара агломерацех (вӀаший гаргайоалаярах) дола гӀулакх чӀоагӀдарах дийцар гулбеннараша.
Кхалений, шахьарий кулгалхошца, бахархошца кхетачеш еш, царна цу балхах фу хет тахка лаьрхӀа ба республике кхаьча хьаьший.
