Минводе дӀайолаелар инвестицей Кавказа кхетаче
Минводе дӀадоладелар «МинводыЭКСПО» МВЦ Кавказа 2025 шерарча инвестицей кхетачен хьалхара ди. Цунна чуйоагӀаш, керттера терко еш я кагирхой программа, цига гулвелар 1000 доакъашхо-студент, къона говзанчаш, шоай доалахьара къахьегам лелабераш, Къилбаседа Кавказ дегӀайоалаяра гӀулакха шоашкара дакъа юкъедахьа безам бараш.
Кагирхой ди 2025 шерарча КИФе лоархӀаме дар,цига дувцар кердача ноахала хетар, цунна карагӀдоалар. «Кагирхой инновацей, эргалонаш- из керттердар да. Цар хьинаро, таханарча дено дӀадеххача беса уж хиларо, мохк дегӀабоалабара тешам лу»,- аьлар Росконгресс Ганза кулгалхочо, кхетаченна керте латтача Затынайко Владимира.
Цул совгӀа, хьаьшашта гойтар йоккха экспозици. 21 стенда тӀа я Къилбаседа Кавказа федеральни куранна чудоагӀача мехкий инвестицей проекташ, цу юкъе да ГӏалгӀай Республика, Cелий, Къилбаседа ХӀирийчен-Алане, ГӀабартой-Балкхарой, Къарший-Черсий мехкаш, иштта Абзойче, Къулбехьен ХӀирийче, АьдагӀе.
Кхетачен программанна чудоагӀаш да 50 совгӀа вӀашагӀкхетар, царна юкъе керттера хургба, РФ Паччахьалкхен Председатела гӀончас Новак Александра дакъа а лоацаш, дӀахьош бола боккха гуллам. Иштта дӀадахьа лерхӀаш да Паччахьалкхен комиссе цхьанкхетар, из хетадаьд Къилбаседа Кавказа федеральни куран вахара-экономически дегӀаахара.
Кавказа инвестицей кхетачено дӀахохьу инвестицеш юкъеяхара, шоайла балха говзал эцара йола майда, цо таро лу мехкаш дикка дегӀадоаладе.
