УнахцIенон министерстве лоархIаме хет, лазарех лаьца хьехамаш дар
Гӏалгӏайчен Минздраве кхетаче дӏайихьар, республике дарбанчешка хьалхале лелаеча говзанчашца. Цига чаккхе йир карарча шера хьалхарча ялх бетта инфекционни лазарашта дарба деш баьча балха. Белгалдир балха даькъ тӏа дика толамаш даьха хилар. Республике совбоалаш боагӏа лорашка чакхбоалаш бола бахархой, болхлой. Цул совгӏа дика лораду ишколай дешархошта, колледжашка багӏарашта юкъе унахцӏена вахар леладара хьал. Къаьстта терко тӏаяхийтар диспансеризаци яра, цо новкъостал деш хилар хьагойт, ший ханнахьа чакхвоалаш хилча.
«Хьехамий балхо дӏадех хьадаьчун дикала мах оттабар, из тоабеш хилар. Цунца дувзаденна да хӏара сага вахар кӏалхардаккхар. Нагахьа санна шин кӏира лорашка чакхвоалаш саг ца хилча, тхо декхарийла ду нахацара болх кердабаккха, из кхыча тайпара вӏашагӏболла. Цу гӏулакхашка даим хьожаш хилча, цо таро лу эггара мах болаш дар лора а деш – вай бахархой могашал йовза, хьал тоаде», - аьлар республикан унахцӏенон министерствон кулгалхочо Ӏалбаканаькъан Зарас.
Уж гIулакх чӏоагӏдара, 2026 шу чакхдаллалца юрташкара лорий хьал дегӏадоаладе лаьрхӏад - республикан кхалешка каст-кастагӏа хургба лораш дарбан-диагностика тоаеш.
Иштта дийцар тайп-тайпарча моттигашца бувзам лелабеш, из болх дӏахо дӏабахьа безарах.
