Гӏалгӏайчен унахцӏенон Министерстве, нахаца бувзам лелабара йола оагӏув я
17.09.2025 21:28
Унахцӏенон Министерствон болх нахага дикагӏа дӏакхоачаш хургболаш, цу боахаме, балха деношка 9 сахьат даьлча денз 18 сахьат даллалца, бувзам ба лорий оагӏонца.
Министерствон зарбан болх лелабераша яхачох, хӏаравар таро йолаш ва укх номерах телефон тоха 8 (928) 099 05 45, иштта ший хоам бита.
«Лорий оагӏонцара болх - из да тӏахьожам лоаттабар. Оаха кхетаду лорий моттигий болх геттара дика латташ цахилар, моллагӏа дола хьал а унахочунца дувзаденнар йоккха терко е езаш хилар. Хӏара хаттар дӏачӏоагӏлу телефонаца денна хиларах, из эшаш хиларга хьежжа дӏатӏахьу кулгалхочунна. Оаха къахьег вай бахархой теркам боацаш цабитара», - аьлар Гӏалгӏайчен унахцӏенон министра Ӏалбаканаькъан Зарас.
