Дарбанчеш молхашца Ӏалашъе гӀерт унахцӀенон Министерство
03.05.2024 09:13
Ерригача дарбанчешка боаггӀача боараме мел эшаш йола молхаш халийтарах дийцар, министерстве дӀайихьача кхетаче Антошканаькъан Заремас. Из хоам «Сердало» газетага бир цу моттигерча къахьегамхоша. Кхетаче дакъа лоацаш бар дарбанчешкара, поликлиникашкара керттера лораш. Цар дийцар, эшаш йола молхаш ханнахьа халийтара гӀулакхах.
«Молхаш унахошта деча дарбан юкъе керттера моттиг дӀалоацаш я. Уж цахиларо боаггӀача боараме дӀабахийтац дарбанчешкара болх», - белгалдир министерствон кулгалхочо. Молхаш дарбанчешка ханнахьа дӀакхоачаргйола болх дӀахьош хила, аьнна, тӀадиллар цох бехктокхаме барашта. Из хьал тоадарах дийцар гулбеннараша.
