«Ахканара салоӏа ха музее» яха болам ба, мехкарча МКЖР дӏахьош
Мехкахбаьхача наьха Мемориальни моттиге дӏахьош ба, «Ахканара салоӏаш ха музее» яха болам. Лагерашка салоӏаш долча берий аьттув ба мах боацаш музее гӏолла гобаккха, уллув экскурсовод волаш. Дешара цӏагӏа сайца ахканара денош, бераша цхьа пайда болаш, дӏахьоргдолаш доладаь гӏулакх да из. Шоай къаман истори довза аьттув бар цига.
«Берашта дукха хӏама довзийташ моттиг я из. Архивера сурташ, каьхаташ, даьй-ноаной атта хиннадоаца вахар довзийташ йола цар лелаяь хӏамаш гургья берашта. Деррига довза, хӏара хӏамах кулг тоха безам болаш дар уж. Дукха тайп-тайпара хаттараш дар цар экскурсоводашка», - дийцар «Сердалога» МКЖР.
Шоай истори, ӏадаташ, культура, даьша-ноаноша хьабена никъ бовзар лоархӏаме да берашта, хӏана аьлча цу хӏамашка гӏолла чӏоагӏлу Даьхенцара безам, лерхӏам.
