Гӏалгӏайчен МКЖР дӏайихьар, «Вай заман турпалаш» яха денала урок
Гӏалгӏай къам мехкахдаккхара дагалоаттама Мемориала комплексе музея экскурсовода Овшанаькъан Зарас дӏайихьар «Вай заман турпалаш» яха денала урок. Из хилар Тӏой-Юртарча №1 йолча ишкола боккхагӏа болча дешархошца. Кхетаче хетаяь яр ДНР, ЛНР мукъайоаккхаш йолча лаьрххӏача тӏема операцена, шоай даьша санна денал гойташ, нийсхон тӏехьа латташ, цига Даьхе лораерашта.
Овшанаькъан Зарас дийцар дешархошта дукха дег чу латтаргда, цо довзийтар дешархошта исторически бакъдар. Урока чудоагӏаш дар дагалоаттама Мемориале, гӏалгӏай къаман сийлен моттигашка экскурси яр», - аьлар «Сердало» газетага Гӏалгӏайчен МКЖР. Кхетаче дӏахьош керттера терко тӏаяхийтар «Ноахала турпала эстафетанна» яхача музея гойтама материалашта. Бӏухой архивашара каьхаташ, сурташ, доалахьара гӏирсаш го таро хилар дешархой.
Дӏаяхача ханашкара турпалал, таханара денал цаӏ хинна дӏаэттад, вай къаман денал гойташ, цо таро лу хӏаранена Даьхен мах бовза, ший мехкарча вахара ший дакъа юкъедахьа.
