Гӏалгӏайчен МКЖР лекци йийшар, гӏалгӏай дезала ӏадаташ дувцаш
15.07.2026 16:28
Гӏалгӏай къам мехкахдаккхарах болча дагалоаттама Мемориала музее «Гӏалгӏай къаман дезала ӏадаташ» яхача темах лекци йийшар. Кхетаче дӏахьош хиннар яр Ӏажанаькъан Мадина. Из къамаьл деш ладувгӏаш хиннарашта довзийтар гӏалгӏай культуран, дезала ӏадаташ.
«Лекци лоархӏаме яр, ноахалгара, ноахалга доалаш хьадоагӏаш дола ӏадаташ довзийтара. Дезалерча хьалашка диллача, из чӏоагӏа эшаш да, хӏана аьлча вай тӏехьенна дицдалийта йиш яц даьй ӏадаташ, культура. Цо таро лу дезал лерттӏа кхебе, цун юкъера бувзам чӏоагӏбе.
