Гӏалгӏайчен кагирхой Керттерча моттиге къонача бизнесмений кейс-сесси хилар
Гӏалгӏайчен кагирхой Керттерча моттиге дика накъаяьлар доалахьара хӏама хьачар гӏулакхаш дегӏадоаладара хетаяь кейс-сесси. Кхетаче вӏашагӏъеллараш бар «Кулгаговзала парк» яха МЦ, Гӏалгӏай паччахьалкхен университет, мехка мах бара-промышленни палата.
«Кхетачен программа лаьрхӏа яр цу даькъ тӏара болх ӏомабара. Доакъашхой болабелар бизнеса оагӏонаш тахка, тахан хьакхоллаш йолча кагирхой таронашта мах оттабе. Цу тайпара дешара кхетаченаш дӏахьош хиларо, шоаш санна уйла йолаш бола кагирхой бовза таро лу, шоай проекташ цхьана кхоачашъю», - аьлар «Сердало» газетага Гӏалгӏайчен кагирхой Комитете.
Теркама юкъе дар бизнес хьакхоллара хаттараш: ший гӏулакх дӏадоладаргара бизнес-хаттарашка кхаччалца.
Сессе чаккхе еш, къонача доалахье лелаерий таро хилар мах болча хьехамашка ладувгӏа, уж царна накъадаргда лаьрхӏар кхоачашдара.
